ரஜினிகாந்த் நடிப்பில் உருவாகும் Coolie படத்தின் டீசர் மார்ச் 14ம் தேதி வெளியாக வாய்ப்பு இருப்பதாக தகவல் வெளியாகியுள்ளது.
சூப்பர்ஸ்டார் ரஜினிகாந்த் நடிக்கும் கூலி திரைப்படத்தை லோகேஷ் கனகராஜ் இயக்கி வருகிறார். சன் பிக்சர்ஸ் தயாரிப்பில் உருவாகும் இப்படத்தில் ஸ்ருதிஹாசன், நாகார்ஜுனா, சத்யராஜ், உபேந்திரா, அமீர்கான் உள்ளிட்டோர் நடிக்கின்றனர். அனிருத் இசையமைக்கும் இப்படத்தின் ஒளிப்பதிவை கிரீஷ் கங்காதரன் செய்துள்ளார்.
கூலி படத்தின் ஷூட்டிங் சமீபத்தில் முடிவடைந்தது. இப்படத்திற்காக ரஜினிக்கு ரூ.200 கோடி சம்பளம் வழங்கப்பட்டுள்ளதாக கூறப்படுகிறது. ஆகஸ்ட் 2024-ல் படத்தை வெளியிட திட்டமிட்டுள்ள தயாரிப்பாளர்கள், படத்தின் அப்டேட்டுகளை தொடர்ச்சியாக வழங்கி வருகின்றனர்.
Coolie Teaser Update
அண்மையில், ரஜினியின் பிறந்தநாளில் “சிக்கிடி சிக்” பாடல் புரோமோ வெளியாகி ரசிகர்களை உற்சாகப்படுத்தியது. அதனைத் தொடர்ந்து, நடிகை பூஜா ஹெக்டே ஒரு சிறப்பு பாடலில் நடனமாடியுள்ளார் என்று தகவல் கிடைத்தது.
இதுவரை டீசர் அப்டேட் எதுவும் அதிகாரப்பூர்வமாக வெளியாகாத நிலையில், அதற்கான தலைப்புச்செய்தி இணையத்தில் லீக் ஆகி உள்ளது. மார்ச் 14, இயக்குநர் லோகேஷ் கனகராஜின் பிறந்தநாளில், கூலி படத்தின் டீசர் வெளியாகலாம் என கூறப்படுகிறது. ஆனால் படக்குழு இதுவரை இதுகுறித்து எந்த தகவலையும் வெளியிடவில்லை.
Coolie Box Office Expectation
கூலி படம் அதிரடி ஆக்ஷன் திரில்லர் கதைக்களத்தில் உருவாகிறது. இதில் ரஜினிகாந்த் ஹை ரிஸ்க் ஆக்ஷன் சீன்களிலும் நடித்து இருக்கிறார் என கூறப்படுகிறது. இப்படம் 1000 கோடி பாக்ஸ் ஆபிஸ் வசூலை எட்டும் முதல் தமிழ் படம் ஆகும் என கோலிவுட்டில் எதிர்பார்ப்பு அதிகமாக உள்ளது. ரசிகர்கள் ஏற்கனவே டீசர் அப்டேட்டுக்கு உற்சாகமாக காத்திருக்கிறார்கள்.
